Ekintzailetza
Sodenan hasierako finantzazioa ematen dugu, bai kapitala bai partaidetza-mailegua, enpresa berriak sortzeko edo hasierako etapetan dauden enpresa-jarduerak abiarazteko
Hazi Kapitala alorrak enpresa-proiektu berrien edo sortu berrien finantza-beharrak estaltzea du helburu. Honakoak, zehazki: Nafarroan hazteko ahalmen nabarmena dutenak, berritzaileak, merkatuan dagoenekoz dauden produktu edo zerbitzuez bestelakoak eskaintzen dituztenak, Nafarroan merkatu-nitxo berriei ekitea eta enplegu kualifikatua sortzea ahalbidetuko dutenak.
Finantza arloko laguntza mota beharren, garapen fasearen eta proiektuen tipologiaren araberakoa da.
“Hazi” fasean dauden proiektuak: partaidetza-mailegua da, kapital bihur daitekeena, proiektua bera berme bakarra dela edo kapitalean partaidetza hartuta:
- Gehieneko zenbatekoa: 100.000 euro (dena den, kasu zehatzetan, kopuru hori gainditzen ahalko da).
- Interes-tasa: finkoa + aldakorra, jardueraren eta emaitzen arabera. Bi interesen baturak ez du % 10 gaindituko. Irekiera komisioa % 0,5 da.
- Amortizazio epea guztira: 5 – 8 urte eta 1 – 3 urteko gabealdia.
- Onespena: Sodenako zuzendaritza batzordea.
Abiatze fasean dauden proiektuak/’startup’: partaidetza gutxiengoduna eta iragankorra kapitalean
- Inbertsioa gehienez 500.000 euro eta gutxienez 100.000 euro; kopuru hori gainditu daiteke estrategikotzat jotzen diren proiektuetan, hazteko ahalmen handia dutenetan edo garrantzitsuak egiten dituen beste ezaugarriren bat duten proiektuetan.
- Sodenak % 5 eta % 45 arteko partaidetza izanen du enpresan.
- Aldi baterako parte hartuko da enpresen kapitalean, gehienez 12 urtez.
- Sustatzaileekin sozietate-itun bat sinatuko da; akzioak berrerosteko akordioa, nagusiki.
- Onarpena: Sodenako Administrazio Kontseilua.
Hainbat figuraren bidez bultzatuko dira enpresa berri berritzaileak:
- ‘Startups’ berritzaileei bultzada ematea, finantza arloko laguntza honela emanez:
- Sodenak zuzenean kapitalean parte hartuz, Start Up Capital Navarra-ren bidez edota Navarra Tech Transfer Funtsaren bidez.
- Partaidetza-maileguak.
- Bultzada elika-katean:
- Proiektuak sustatuz,Orizont nekazaritza elikagaien sektorea berritzeko azeleragailuaren bidez
- Oinarri teknologikoko enpresen bultzada,unibertsitateekiko edota ADItecheta CEIN erakundeekiko elkarlanaren bitartez.
