Integritatea, objetibotasuna, zintzotasuna eta erantzukizuna oinarrizko balio etikoak  dira Nafarroako Enpresa Korporazio Publikoaren barruan dauden sozietate publikoen jardunean.

Horregatik, 2018. urteaz geroztik, Nafarroako Gobernuko sozietate publiko guztiek dugu Etika eta Jokabide Kode bat, gure balio, printzipio eta jarduteko jarraibide etikoen adierazpen formala adierazten duena. Arau-maila du gure erakundeen barruan, eta, beraz, gure eginkizun bakoitza betetzean aplikatu beharreko esparru orokor eta gida da, jokabide etiko eta arduratsua bermatzeko.

Nafarroako Gobernuko sozietate publikoetako  zerbitzu bereziak ematen ari diren lan-kontratuko langile eta funtzionario guztiek, beren jarduera guztiak burutzerakoan, kode honetan jasotako balio etikoei jarraitu beharko diete, eta printzipio etikoak betetzen saiatu beharko dute, ezarritako jarduera-jarraibideak aplikatuz.

Kodea Nafarroako Gobernuko sozietate publikoak osatzen dituzten pertsona guztiei aplikatuko zaie, beren posizio hierarkikoa edozein dela ere. Beraz, plantilla osoari aplikatuko zaio, bai kontratazio finkoari, bai aldi baterakoari, bai zuzendaritzari eta Administrazio Kontseiluetako kideei.

Nafarroako Gobernuko sozietate publikoen Etika eta Jokabide Kodea esteka honetan deskarga dezakezu.

INFORMAZIO-KANALA

2/2023 Legea betez, arau-hausteei eta ustelkeriaren aurkako borrokari buruzko informazioa ematen duten pertsonen babesa arautzen duena, informazio-kanal bat jarri da Nafarroako sozietate publikoetako langileen eta kanpoko edozein pertsonaren eskura. Kanal horren helburu nagusia da korporazioan gerta daitezkeen irregulartasunak, jokabide desegokiak edo kaltegarriak izan daitezkeen egoerak goiz detektatzen laguntzea, horiek isilpean aztertuz eta, hala badagokio, dagokion prozedurari ekinez.

Informazioaren Barne Sistemaren Politika – Sodena

Informazioaren Barne Sistemaren Kudeaketaren prozedura – Sodena