Halakoetan, Sodena bazkide aktiboa da, mailegu-emaileaz edo burtsa-inbertitzaileaz bestela. Administrazio organoetako erabakietan parte hartzen du, eguneroko eragiketetan esku hartu gabe. Halaber, prest dago finantza/kreditu erakundeek baino arrisku handiagoa hartzeko.

Laguntza finantzario eta estrategiko hori hazteko ahalmena duten enpresa txiki eta ertainentzat da, hots, 400.000tik gorako inbertsioa behar baldin badute hainbat jarduketa egiteko:

• Aurrerapenak produktuen garapen etapetan merkatura iritsi arte.
• Hazkunde organikoa eta ez-organikoa, beste enpresa batzuk erosiz.
• Beste enpresa edo negozio batzuekiko integrazio proiektuak.
• Akzioen erreleboa.
• Tokiko bazkide bat behar duten atzerriko konpainien ezarpenak.
• Zuzendaritza taldeek (MBO) edo beste enpresa batek (MBI) enpresa erostea.

Hona hemen abiarazteko edo hedatzeko fasean diren proiektuetan dugun partaidetzaren ezaugarriak:

• Partaidetza gehienez % 45 arte.
• Gehienez 12 urteko iraunkortasun epea.
• Administrazio kontseiluan lekua izatea.
• Sozietate-itunean desinbertsioa aurreikusia izatea.
• Kapital bihurtu daitekeen partaidetza-maileguetarako aukera izatea.

Kasu zehatz batzuetan, laguntzaren osagarri, honelako baldintzak beteko dituzten partaidetza-maileguak eman daitezke:

• Interes-tasak osagai finko bat izanen du gehi osagai aldakor bat, sozietatearen negozio-adierazleei lotua.
• Mailegu subordinatuak.
• Kapitalizagarriak izan daitezke.