ECIV (European Circular Innovation Valley) europar proiektuak, Europar Batasunaren barruan,  eskualdeen arteko ekosistema bat sortu nahi du. Bere helburua, lurraldeko misioak antolatuaz, balio-kateak eraldatzea, merkaturako irtenbide zirkular berriak garatu eta eskaintzea da.

Helburu orokorrak:

• Eskualde parte-hartzaileetan hazkundea eta garapen iraunkorra sortzea.
• Merkatu berriak, negozio-aukera berriak eta balio zirkularreko kateak sortuz zirkulartasunaren aukera ekonomikoak aprobetxatzea.

ECIV proiektuak “dantza-plaza” bat sortuko du. Bertan, berrikuntza-ekosistemen interes-talde eta eragileek, gure balio industrialeko kate nagusietan lan eginez, harremanetan jarriko dira eraldaketa zirkularrak eskaintzen dituen erronkei irtenbideak proposatu ahal izateko.

Iraupena eta aurrekontua:

2024ko irailean hasi da, 5 urteko iraupenarekin (2024ko iraila – 2029ko abuztua). Guztira, 27.162.498 euroko aurrekontua du eta  Horizon Europe programaren 13.579.061,51 euroko baterako -finantzaketa.

Finantza daitezkeen proiektuak

Eskualdeen arteko berrikuntza-proiektuak garatzeko, baterako finantzaketa izango duten bi deialdi egingo dira. Deialdia hauek, misioen bidez garatutako proposamen zirkularren TRL 6-7 mailako berrikuntza-lankidetzako proiektuentuei zuzenduak egongo dira. Lehen deialdia, 2026ko urtarrilean irekiko da eta bigarrena, 2026ko amaieran.

Gainera, esperimentazio-proiektuentzako funts espezifiko bat egongo da.

Bazkide diren eskualdeak eta beste erakunde batzuk

Europako 9 lurraldeetako 19 eskualde-bazkideek parte hartzen dute. Koordinazioa Nafarroako Gobernuko Industria eta Enpresen Trantsizio Ekologiko eta Digitalerako Departamentuak darama, Sodenaren laguntzarekin eta lokalki Navarra Zirkular ekimenarekin elkarlanean.

Gainerako partzuergoa honako hauek osatzen dute:

• Herbehereetako iparraldeko Aliantza (NNS)
• Groningako probintzia (GRO)
• Frisiako probintzia (FRY)
• Drenteko probintzia (DTH)
• Groningengo Unibertsitatea (UGRO)
• Frisia Berrikuntza Fundazioa (SIF)
• Dalarnako probintzia (DAL)
• Värmlandgo probintzia (VAR)
• Gävleborgo probintzia (GAV)
• Normandiako probintzia (NOR)
• Bulgariako Berrikuntza eta Garapen Ministerioa (MIGB)
• Lituaniako Berrikuntza Agentzia (IAL)
• Helsinki-Uusimaako probintzia (HURC)
• Eskoziako Garapen Ekonomikorako Agentzia (SE)
• Stratchclyde Unibertsitateko Bioteknologia Industrialeko Berrikuntza Zentroa (IBioIC)
• ACR + Baliabideen Kudeaketa Iraunkorrerako Hiri eta Eskualdeen Elkartea

Harremanetarako pertsona:

María Pedrosa: mpedrosa@sodena.com