ARRAKASTA KASUAK
Sodenaren arrisku-kapitalaren bidezko inbertsioak 1984. urtean hasi ziren. Enpresaren munduarekin harremanetan daramagun mende laurden honetan Nafarroako enpresa ugariren abiarazte, hedatzean eta hazkunde prozesuan parte hartu dugu.
Atal honetan urte hauetan gure sektore estrategikoetan (bioteknologia, nekazaritzako elikagaiak, energia berriztagarriak eta IKT) bizi izan ditugun esperientzia garrantzitsuenak argitaratuko ditugu noizean behin.
Apex/Twin Screw
Aperitiboak eta fruitu lehorrak fabrikatu eta saltzen dituen taldea. Hainbat lekutan ditu instalazioak, hala nola Ribaforadan (Nafarroa), Riego de la Vegan (Leon) eta Benifaión (Valentzia). Bere produktuak hainbat markaren bidez merkaturatzen ditu: Aspil, Travesa, Vicente Vidal eta Abrego, besteak beste.
Bidaway.com
Bidaway (lehenago, Tidibi) hotel esklusiboak, aisia jarduerak eta osasun nahiz edertasun zerbitzuak preziorik onenean enkantean ateratzeko “on line” plataforma bat da (4 eta 5 izarrekoak). Plataforma honetan, hainbat eskaintzak partekatzen dituzte denbora eta espazioa. Eskaintzarik onena egin duen bezeroak bakarrik ordaintzen du, enkantea bukatzean, eskaintza irabazlea eskuratzeko.
Biomendi
Biogas-planta bat da. Mendak eta landare nahiz industria jatorriko beste substratu batzuk erabiltzen ditu lehengaitako (500 kW-ko potentzia).
Blackbinder
Tabletan diren partitura digitalen bidezko lan-sistema integrala, musikarien, orkestren, bestelako musika-taldeen eta kontserbatorioen nahiz musika-eskolen banakako nahiz taldekako lana errazten duena.
Cultivos de Navarra
Laborantza hidroponikoko tomatea ekoiztu eta merkaturatzeko enpresa, “Tomate de Artajona – Reyno Gourmet” markarekin merkaturatua. Artaxoako menden bidezko baterako sorkuntzako plantaren beroaren eta ur beroaren soberakina aprobetxatzea du helburu (plantaren jabea Ecoenergía Navarra, S.L. da). Ingurumenaren aldetik, prozesu jasangarria nahi dute bere osoan; izan ere, mendak tratatuz, txerri-etxaldeei irtenbidea eman nahi diete. I+G+B arloko lehen proiektua da horrelako tratamenduetan, berritzailea baita. Izan ere, ongarri lehorra, energia, ur garbi eta destilatua ekoizten ditu eta, gainera, baterako sorkuntzaren bero soberakinarekin, tomate hidroponikoak (lurrik gabe) lantzen dira berotegietan.
EINA, Estudios de Ingeniería Adaptada
Mozketa eta soldadurarako makina robotizatuak diseinatzen eta fabrikatzen diharduen enpresa, nagusiki ehun bigunak erabiltzen dituzten industria-prozesuak automatizatzeko balio dutenak.
ESA, Ecoenergía Sistemas Alternativos
Enpresak I+G+B arloa garatzen du nekazaritzako elikagaigintzan eta ingurumenean. Zehazki, garapen teknologikoa garatu nahi du hala hondakin eta azpiproduktu organikoen tratamenduan nola hondakin-beroen aprobetxamenduan. I+G-B arloa nekazaritzako elikagaigintzan eta ingurumenean sustatu nahi du, zientzia-teknologia-enpresa sistemako eragile guztien artean lankidetzaren aldeko kultura zabalduz; halaber, teknologia berrien garapena eta erabilera sustatu nahi ditu, Kutsaduraren Prebentzio eta Kontrol Integratuari buruzko Legearen irizpideekin bat.
Elara Ingenieros/span>
Zerbitzu-enpresa honek irtenbide berritzaileak diseinatu eta ezartzen ditu enpresen lehiakortasuna hobetzeko. Enpresaren lana bi arloetan dago egituratuta, irtenbide integralen diseinu eta ezarpenerako: Aholkularitza Alorra eta Alor Teknologikoa.
Finaves II
Arrisku Kapitaleko Sozietate bat da, 2003an IESEk sustatua (Nafarroako Unibertsitatea), proiektu berritzaileak sustatzeko helburua duena. Proiektu horien sustatzaileak Nafarroako Unibertsitateko eta IESEko ikasleak izan dira.
ForMune
Enpresa bioteknologiko honek txerto terapeutikoak garatzen ditu infekzio kronikoak eta minbizia tratatzeko. Plataforma bat dauka, proteina birkonbinatzaileetan oinarritua. Proteinak gaixotasunaren antigeno berariazkoei fusionatuta dagoen TLR4rako estekatzaile endogeno batek konposatuak daude. Lehen txertoa fase klinikorantz aurrera jotzea du helburu.
Foro Europeo de Formación Empresarial
Nafarroan, enpresa-prestakuntzaren arloan diharduen campus bat da. Etorkizunerako ikuspena: “Nafarroako Enpresa Campusa izan nahi du, erreferentzia nazioartean, bai berrikuntza etengabearengatik, bai enpresen egoerara egokitu eta hurbiltzeagatik, bai Enpresa Txiki eta Ertainaren Zuzendaritzan duen espezializazioarengatik (Enpresa Familiarra), bai zuzendaritzarako trebetasunak garatzeagatik, bai eta enpresara aplikatutako teknologia berriengatik ere".
Fundación para la Innovación y Desarrollo de la Nanotecnología (FIDeNa)
I+G+B arloko proiektuak garatzen ditu nanoteknologian.
Fundación de Investigación, Desarrollo e Innovación en Medio Ambiente (FIDIMA)
Ingurumeneko Zentro Teknologikoa, erreferentea estatu mailan, Lizarran kokatua, ingurumenerako hainbat teknologiaren ikerkuntzan eta aplikazioan diharduena.
Futura Acorp
Enpresa honek, nagusiki, autoerosketarako sistemak garatu, ezarri, kudeatu eta mantentzen ditu, arretarik gabeko kioskoen bidez (kiosko horietatik, azken bezeroak kontsumo-eskaria egiten du). Halaber, bezeroaren sistemetan guztiz txertatuak dauden salmenta-guneen bidez. Hori guztia, aisiaren eta sukaldaritzaren arloetarako.
ID Ingeniería Acústica
Enpresa honek ingeniaritza eta aholkularitza zerbitzuak eskaintzen ditu akustikaren arloan, zarata eta bibrazioetarako.
iSOCO
Enpresa hau “sareko ekonomiarantz” bideratua dago, elkarlanerako eta hornitzaileen kudeaketarako web-atariak sortuz, teknologia sematikoetan nahiz adimen artifizialean oinarrituak.
Eskaintzen dituen irtenbideen artean, elkarrekintza naturaleko aplikazioak daude laguntzaile birtualen bidez (Iruñeko I+G+B zentroan garatua): berrikuntza kudeatzeko plataforma, hornitzaileen atariak, negoziazio elektronikoa…
Kams Kayaba
Los Arcoseko plantak malgukiak fabrikatzen ditu, ekoizpen-prozesuan kutsadura-maila minimoak direla. Talde multinazionalak beste bi planta ditu, Kams Kayabaz gain, Ororbian eta Orkoienen kokatuak, 1.000 langile inguru dituztenak, eta esekidura-elementuak eta zuzendaritza-punpak fabrikatzen dituztenak.
Kiva Foods
Empresa navarra que produce y comercializa mezclas para elaborar en casa cualquier plato de una forma rápida y práctica con alimentos naturales.
Proyecto seleccionado en la I edición de la aceleradora agroalimentaria Orizont.
Grupo S21sec
Segurtasun digitaleko zerbitzu eta teknologietan espezializatua dago eta negozioen garapen iraunkorra bermatzea du xede. Erakundeetako balio handieneko aktiboak eta aktibo kritikoak babestea du helburu: informazioa eta konpainiaren irudia.
Lorpenak Navarra
Galtzetin teknikoa fabrikatu, erosi, merkaturatu eta banatzen du kirol zorrotzetarako, hala nola eskirako, mendirako eta ehizarako, nagusiki.
OLUS Tecnología
Olus Tecnología enpresa sortu zen, balio erantsi altuko produktuak sortzeko jarduketak nazioartean gidatzeko asmoz, bai eta barazkia ardatz duen ikerketa gune bat sortzeko asmoz ere.
Pamplona Learning Spanish Institute
Iruñean espainiera irakasteko ikastegi espezializatua da. Hiru erakundek elkarrekin jardutearen ondorioz sortu da. Hauek dira: batetik, Clen College / IH Pamplona, hots, hizkuntza-prestakuntzan hamabost urtetik gorako esperientzia duen eskola; bestetik, Nafarroako Gobernua, interes handia baitu Nafarroa espainiera ikasteko leku eta helmuga gisa sustatzeko, eta hirugarrenik, High Schools Internacional-eko zuzendari nagusia, ikasbidaien arloan eskarmentu handi eta frogatua duena.
Protectora de Carnes
Behi-, ardi- eta zaldi-azienda hiltzen duen enpresa nafarra da.
MTS Tobacco
1999an eratu zen eta, urte hartan ere, Sodena akziodun sartu zen. Harrezkeroztik, honako jarduera-lerroak garatu ditu: Outsourcing / ALTADISko lantegien mantentze-lanak. Zigarroak fabrikatzeko makinen birfabrikazioa eta salmenta. Ordezko piezak. Zigarroak fabrikatzeko makinen ordezko piezak fabrikatu eta saltzea.
Sociedad Logística Alimentaria Navarra (SLAN)
Logistika-zerbitzuetarako konpainia tenperatura kontrolatuan. Laguntza-egituraz hornitu nahi ditu elikadura arloko industria, merkataritza eta banatzaileak.
Sunsundegui
Suministros y Servicios Unificados de Carrocería, S.L. enpresak erabiltzen duen merkataritza-marka da, autobus-karrozeria txasidunak merkaturatzeko. Burnizko izeneko holding sozietateaz gain, bi enpresa hauek osatzen dute taldea: Suministros y Servicios Unificados de Carrocería izenekoak (autobus-karrozerien fabrikatzailea) eta Suncove-k (tren-bagoien fabrikatzailea).
Navarra de Tratamiento del Agua (Wasserlab)
Ura arazteko sistemak diseinatu eta fabrikatzen ditu, laborategi eta enpresek egunerokoan behar dituzten ur beharrak asetzeko, ur puruari eta ultrapuruari dagokionez.
Metsola Birding
Zerbitzu-enpresa honek zortzi turismo-apartamentu ustiatzen ditu Izaban, birdwatching jarduera barne, udaberrian eta udan.
Tweet Category
Teknologia-zerbitzua eskaintzen dio erabiltzaileari, twiterren produktu, enpresa, marka eta abarri buruz zabaltzen den informazioa sailkatu eta monitorizatzeko. Tweet Category-k (orain, Tweet Binder) kategorietan antolatzen ditu gai zehatz bati buruzko txioak eta erabiltzaileari txosten sakona ematen dio.
Up International Education
Estatu mailako enpresa hau Nafarroakoa da jatorriz. Unibertsitate-tituludunak diren hiztun ingeles natiboak sailkatu eta txertatzen ditu ikastetxeetan, ingelesaren irakaskuntza osatu eta hobetzeko, hizketarako irakasle laguntzaileen programaren bitartez.
Yaysi.com
Online zerbitzu honek produktu ororen online eta offline prezio-eskaintzarik onenak aurkitzeko aukera ematen dio erabiltzaileari, gehienez ere 72 orduan erantzuteko gaitasunarekin.
Zombielib
Mugikorretarako jolasetan, erabiltzaileak lortu eta atxikitzea xede duen garapena da, bai eta, jolas horien bidez, dirua lortzeko gaitasuna garatzea.
Bioteknologia / Osasuna
3P Bio Holding
CMO (Contract Manufacturing Organization) bat da eta biologikoen garapenean nahiz ekoizpenean espezializatua dago (proteinak, batez ere), bai eta zelula-terapian ere, dela entsegu klinikoetarako, dela merkataritza-faseetarako, GMP baldintzetan.
Digna Biotech
Bioteknologia arloko enpresa honen xedea da osasun arloko terapia eta diagnosirako hautagaiak sortzea, CIMAn sortzen den ikerlanetik abiatuta, eta halako aliantzak egitea farmazia-industriarekin, gero merkaturatzen saiatzeko.
Idifarma Desarrollo Farmaceútico
Enpresa honek sendagaiak garatu eta fabrikatzeko zerbitzuak ematen dizkio farmazia-industriari; goi potentziako printzipio aktiboetan dago espezializatua (zitotoxikoak, zitostatikoak, etab.).
InnoUp Farma
Enpresa honek berrikuntza nanoteknologikoan dihardu eta irtenbideak garatzen ditu orain arte zain bidez ematen diren farmakoak aho bidez emateko; kimioterapian, batez ere.
Inveready Biotech II y III
Arrisku-kapitaleko sozietateak dira, Inveready taldeak kudeatuak. Honakoetan egiten ditu inbertsioak: Espainiako konpainia bioteknologikoetan, farmazeutikoetan, nutrazeutikoetan eta osasun produktuak merkaturatzeko enpresetan; hazkunde ahalmen handia duten haietan, bereziki.
Sodena enpresa horietan egotearen eraginez, finantza-baliabideak ugaritzen dira, etorkizunean Nafarroan proiektuetan inbertitzeko. Gainera, aukera izanen da IBII eta IBIII koinbertitzaile izateko Sodenako proiektuetan, bai eta sozietateek diharduten sektoreetan kokaturiko ekimen kopurua Nafarroan handitzeko aukera ere.
Leadartis
Enpresa nafar biofarmazeutikoa, Trimerbody izeneko antigorputz terapeutiko patentatuak garatzen dituena. Trimerbody hauek, gaur egun merkatuan nagusi diren inmunoglobulinak baino mutibalentzia eta multiespezializate handiago dute.
Medibiofarma
Bioteknologia arloko nafar enpresa da eta kalitate handiko ikerketa farmazeutikoko programa berritzaileak sortu nahi ditu, klinikoki baliozkotutako helburu teraupetikoen modulazioan oinarritutakoak, bai minbizia, bai gaitz neurodegeneratiboak tratatzeko.
Ojer Pharma
Enpresa farmazeutiko honek sendagai dermatologikoak garatu eta merkaturatzen ditu.
Palobiofarma
2006an sortua, bioteknologia arloko enpresa honek daukan plataformak adenosinaren errezeptoreen antagonista eta agonista selektiboak sortzen ditu. Konpainiaren pipelinean bi garapen daude eta biak ere fase klinikoetan daude.
Ysios Biofund I
Bioteknologiako proiektuetan soilik diharduen funtsa da. Bioteknologia arloan espezializatua dagoen funtsik handiena da.
Nekazaritzako elikadura
Congelados Navarra
Barazki eta plater prestatu izoztuak egiten eta merkaturatzen dituen enpresa nafarra.
Envasados Eva
Enpresa nafar honek honakoak egin, ontziratu eta banatzen ditu: sagardoak, zuku gasifikatuak, muztioa, likoreak, ozpinak, bai eta sagarretik nahiz mahatsetik eratorritako gainerakoak ere.
Grupo Mahn Mac - Egrín Alimentación
Enpresa nafarra da eta bosgarren gamako produktuak egiten, ontziratzen eta merkaturatzen dihardu (entsaladak, entsaladillak, saltsak, bustigarriak eta sandwichak).
Pentabiol
Protectora de Carnes
Behi-, ardi- eta zaldi-azienda hiltzen duen enpresa nafarra da.
Energia eta Ingurumena
Nabrawind Technologies
Teknologia eolikoak diseinatu eta garatzen ditu aerosorgailuetako osagaietarako, eta era berean, ingeniaritza arloko aholkularitza-zerbitzuak ematen ditu.
Solaris Bus & Coach
Ibilgailu osoak eta txasisak fabrikatzeko enpresa homologatua da. Hiri-garraio jasangarrirako irtenbideak eskaintzen ditu autobus hibrido eta elektronikoekin.
IKTeak
Apolo Films
Zinemarako animaziozko film luzeak ekoiztu, banatu eta merkaturatzen dituen nafar estudioa da, nazioartean ezagunak diren pertsonetan oinarrituak. .
Dinogames - Dr. Platypus and Ms. Wonbat
Animazio film luzeak ekoizteko zinema estudioa. Zehazki, Sodenaren laguntza 'Dinogames' izeneko eta familiarteko publikoari zuzendutako 3D formatuko film luzea ekoiztera bideratuta dago.
ONENA, Operador Neutro Navarra
Onena (Operador Neutro Navarra, S.L.) nafar enpresa zuntz optikoko (FTTH) operadore neutroa da, sare ultra-azkarretarako sareen azpiegituren garapenean diharduena. Gero, sareak erregimen irekian alokatzen dizkie telekomunikazio arloko operadoreei, aipatu zuntz optiko horren bidez enpresei nahiz partikularrei sarbide eta interkonexio zerbitzuak eskaintzeko.
Open Bravo
Nafar ekintzaile batzuen ekimena da, eta haien produktua ERP bat da (Entrerprise Resources Planning, enpresa kudeatzeko softwarea), kode irekiko filosofiarekin bat garatua (Open Source; lizentzia horiek baimena ematen diote azken erabiltzaileari produktua nahi bezala aldatzeko eta banatzeko).
Sentil 2000
Operadore nagusietako bat da “vending” salmenta automatizatuaren arloko zerbitzu eta irtenbide integraletan, Espainian. Denetariko makinetan dihardu, tabako-makinetan izan ezik. Gainera, Babes Indibidualeko Ekipoak eta beste kontsumigarri mota batekoak (EPIS) saltzen ditu, eta noizbehinka, haietan ere badihardu.
The Think Lab
Animazio film luzeak ekoizteko zinema estudioa. Zehazki, Sodenaren laguntza "Inspector Sun eta alargun beltzaren madarikazioa" izenburua duen familiarteko animazio komedia ekoiztera zuzenduta dago.
TedCas Medical Systems
Osasun arlora bideratutako teknologiak garatu eta merkaturatzen ditu (hardwarea eta softwarea). Osasun arloko informazioa eskuratu, erabili eta arakatzeko aukera ematen du ospitale-inguruneetan, kontakturik gabeko interfaze naturalak erabiliz (NUI). Bestalde, TedCas erabiliz, osasun arloko langileek era aseptikoan kontrolatu dezakete edozein aplikazio mota.
Hazi Kapitala / Start Up Capital Navarra
Abanza Tecnomed
Nafarroako enpresa honek osasun arloko tresnak eta gailuak ikertu eta garatzen ditu. Berrikuntza biomedikoan dago espezializatua, kirol medikuntzaren arloan, hain zuzen.
Ápodo Creativitytech (Noxon)
Nafarroako enpresa honek ikus-entzunezko ekoizpenerako gailuak garatu, fabrikatu eta saltzen ditu, ÁPODO merkataritza-markarekin. Gailuek kamerako mugimendu automatikoa egiteko aukera ematen dute.
Air-Rops
Ibilgailu autopropultsatuetarako babes-sistema berritzaile batetik heldu da Air-Rops sozietatearen izena. Sistemak egitura automatikoko kontzeptu berri bat dauka oinarri; eta ibilgailua goitik behera iraultzen bada, babesa berez zabaltzen da, gidariak esku hartu gabe.
Agil Packaging System
Enpresa teknologikoa da eta etxetresna elektriko handirako enbalaje-sistema berrasmatzea du helburu, betiere poliestireno zabalduaren ordez (EPS edo poliespana) teknika berritzaile bat erabilita. Teknikak hainbat abantaila ditu, hala nola ekoizpen, logistika eta ingurumen arloko kostuak murriztea.
Agropestalert
Enpresa teknologiko honek nekazaritzako elikagaigintzan dihardu; zehazki, nekazaritza-izurriteak denbora errealean zaindu eta kontrolatzeko gailuak diseinatu eta fabrikatzen ditu.
Orizont nekazaritza-elikagaigintzako azeleragailuaren II. edizioaren proiektua.
BeePlanet Factory
Ibilgailu elektrikoen baterietan oinarrituta dauden energía biltegiratzeko soluzioen garapena, fabrikazioa eta merkaturatzea.
Bee Standards
Startup hau berezko polinizazioa leheneratzeaz kezkatua dago. Helburua da nekazaritzako pestizidek, gaitzek, ingurune-aldaketek eta klima-aldaketak munduan suntsitu duten polinizazio maila leheneratzea.
Orizont nekazaritza-elikagaigintzako azeleragailuaren IV. edizioaren proiektua.
BrioAgro
Nekazaritzako elikagaigintzan diharduen enpresa teknologikoa da alorrak sentsorizatzeko. Horrela, nekazariak bere esku dauden aldagai nagusiei buruzko informazioa jasotzen du denbora errealean, laboreak hobetzeko eta nekazaritza-ureztapeneko sistemekin bat jarduteko.
Orizont nekazaritza-elikagaigintzako azeleragailuaren I. edizioaren proiektua.
Casilda y Jimena
Tuterako enpresa da, haur eta emakumeendako modan ari dena, artisautza moldean egina. Cashmere, alpaka eta merino artilea erabiltzea du bereizgarri, gisakorik ez baita erabili orain arte haurrendako modan.
CO2 Revolution
Karbono aztarna konpentsatzeko irtenbidea eskaintzen du, landaketa masiboko sistema teknologiko bat droneak baliatuz; hazi adimentsuak landatuz, hain zuzen.
Orizont nekazaritza-elikagaigintzako azeleragailuaren IV. edizioaren proiektua.
Cleverpy
Adimen artifizialean oinarritutako irtenbideak garatzera bideratutako startup-a, irtenbide horien bitartez lortutako datuekin prozesuak optimizatu ahal izateko.
Orizont nekazaritza-elikagaigintzako azeleragailuaren V. edizioaren proiektua.
Cocuus System
Elikadura arloko enpresa teknologikoa da. Elikagaiak nahiz bestelako materialak goi sukaldaritzarako moztu, grabatu, dekoratu eta inprimatzeko makinak saltzen ditu.
Orizont nekazaritza-elikagaigintzako azeleragailuaren III. edizioaren proiektua.
Eolive Vertical
Aerosorgailuak mantentzeko lanei aplikatutako ingeniaritza-enpresa da. Aerosorgailuen altueran dauden palak eskaintzen ditu, sarbide teknika berritzaileak erabiliz.
Estudios Melitón
Lekarozko Campusean zinema-estudio profesionalak eskaintzen dituen enpresa-proiektua da, bai eta zinemagintzarako profesional kualifikatuen prestakuntza ere.
everSens
Teknologian oinarriturik, diagnosi kliniko ez-inbaditzailerako ekipoak diseinatu, garatu eta merkaturatzen ditu, gizakien hatsean dauden biomarkatzaile jariatuen detekzioaren bidez.
Familiados
Zainketa profesionalen plataforma, familia, enpresa eta erakundeetarako.
Fuvex
Erabilera zibiletarako eta nekazaritzarako droneak garatzen dituen enpresa teknologikoa.
Garunkook
Kontrol-sistema mikroklimatikoa eta zurezko barriketako hartziduraren monitorizazioa, Smart data data erabiliz.
Orizont nekazaritza-elikagaigintzako azeleragailuaren IV. edizioaren proiektua.
Green Killer Weeds
Nekazaritzako elikagaigintza arloko enpresa teknologiko honek makinak fabrikatzen ditu laboreetako, belar gaiztoak erabat molde ekologikoan ezabatzeko, elektro-uhinak erabiliz.
Orizont nekazaritza-elikagaigintzako azeleragailuaren III. edizioaren proiektua.
HelixNorth
Droneak diseinatu eta saltzen dituen nafar enpresa. Era berean, urrutiko lekuetara iristea ahalbidetzen duten zerbitzuak ematen ditu.
iAR, Industrial Augmented Reality
Industriarako irtenbideak garatu eta ezartzen dituen enpresa teknologikoa, errealitate zabalduko aplikazio aurreratuen bitartez.
Ikan Biotech - The Zebrafish Lab
Bio-osasunean eta ingurumenean analisi-zerbitzuak eskaintzen dituen enpresa da, horretarako zebra-arraina erabiliz.
inBiot
Barruko airearen kalitatea kontrolatzeko eta hobetzeko irtenbide adimendunak garatzen dituen enpresa nafarra.
Leancleaning
Lan-prozesuak kudeatzeko metodologia berri bat garatu duen enpresa nafarra da, Lean Manufacturing deritzon kontzeptuan inspiratua, garbiketaren sektore profesionala optimizatze aldera diseinatua.
Lifeak Job Accommodation Solutions for Life
Nafarroako enpresa honek desgaitasuna duten pertsonen aukeren eta ongizatearen hobekuntzan dihardu, hala arlo profesionalerako nola aisia eta etxerako.
Making Genetics
Genoma-oinarriko ikerkuntzan zerbitzuak eskaintzen dituen enpresa da, hala nola proiektuak prestatu eta diseinatzea, determinazio genetikoak eta epigenetikoak egitea, eta estatistika-emaitzen interpretazioa eta analisia. Gainera, panel genetiko eta epigenetiko berriak garatzen ditu, saldu eta merkaturatze aldera.
MG Nutrición 3G
Nutrizio arloko test genetikoak garatu eta merkaturatzen dituennafar enpresa nafarra.
Orizont nekazaritza-elikagaigintzako azeleragailuaren IV. edizioaren proiektua.
MOA Foodtech
Nekazaritzako elikagaien azpiproduktuetatik abiatuta, kalitate eta nutrizio balio handiko proteina-osagaiak garatu eta sortzen dituen enpresa nafarra.
Multihelpers
Online komunitate honek egunerokotasuneko lan txikiak egitea errazten du. Horretarako, harremanetan jartzen ditu beren zereginetan laguntza behar duten pertsonak eta haiei laguntzeko gai diren pertsonak.
Nubapp.com
Hodeiko plataforma baten bidezko online zerbitzua da, kirol instalazioen erreserbak era integralean kudeatzeko. Horretarako, hainbat komunikazio-kanal baliatzen dituzte, hala nola webak, gailu mugikorretarako aplikazioak eta Facebook.
Opendomo Things (ONNA)
Domotika irtenbideetarako software eta hardwarearen garapenean espezializatutako enpresa nafarra..
Petkis
Nafarroako enpresa. Haragi gordin izoztua, boltsaratua eta dadoetan moztua merkaturatzen du, maskotei (txakurrak eta katuak) eguneroko janaria ematea errazten duena.
Sanae Corp. Alimentaria
Elikagai-intolerantzietarako plater prestatuak elikagai osasungarrien bidez prestatzen dituen enpresa nafarra da.
Pyroistech
Fotonika arloko argi iturrien fabrikazioan eta teknologia optikoaren erabileran oinarritutako nekazaritzako elikagaien industriarako irtenbide zehatzen garapenean ezpezializatua.
Proiektu finalista Orizont nekazaritza-elikagaigintzako azeleragailuaren V. edizioan.
Start Up Capital Navarra
Enpresak Sustatzeko Sozietatea da, partaidetza publikoa eta pribatua duena, hasierako xedeetan berritzaileak diren enpresa-proiektuetan inbertitzera bideratua (hazia eta abian jartzea).
Stone Cooker
"Suiseki" mahaiak fabrikatzen dituen Startup-a; esperientzia gastronomiko eta sozial berria da. Izan ere, bere osoan harri bolkaniko naturalaz egindako mahaiak sortzen ditu, mahaikideek elkarreragin dezaten eta, aldi berean, elikagaiak presta ditzaten.
Proiektu finalista Orizont nekazaritza-elikagaigintzako azeleragailuaren IV. edizioan .
Telum Therapeutics
Gaixotasun infekziosoen aurkako tratamendu berriak garatzen dituen bioteknologia ´Start-up´-a, bakteriofagoetatik datozen eta enzibiotiko izeneko enzima litikoak erabiltzen dituena.
Tu Speaking
Ingelesezko e-learning plataforma, enpresa, erakunde eta profesionalei zuzendua, “nahierako” ikaskuntza-bide berritzailea ustiatzen duena.
Useful Wastes
Gatzgabetzetik datozen hondakinak berrerabiltzeko teknologia garatzen duen enpresa nafarra da.
Proiektu finalista Orizont nekazaritza-elikagaigintzako azeleragailuaren II. edizioan.
Vehortu
Barazki freskoak ontziratu eta pasteurizatzen dituen nafar enpresa da, merkaturatze aldera.
Proiektu finalista Orizont nekazaritza-elikagaigintzako azeleragailuaren II. edizioan.
Vision Quality
Nafarroako enpresa honek ikuskapen eta sailkapen makinak diseinatu, garatu eta fabrikatzen ditu elikagaigintza eta edarigintzarako, ikuspegi eta adimen artifizialean oinarrituak.
Vitale, Intelligent Training System
Enpresa honek cloud plataforma bat garatu du kirol preskripzio pertsonalizaturako, fitness eta osasun arloko profesionalei zuzendua, bezeroen entrenamendua hobetze eta osatze aldera.
Velites Sport
Kirolerako produktu pertsonalizatuak diseinatu, fabrikatu eta estatuan nahiz nazioartean merkaturatzen dituen enpresa nafarra da; bereziki, crossfit edo fitness funtzionalerako.
Welfare Tracker
Animalien ongizatea gailu diometrikoen bidez neurtzeko sistemak garatzen dituen enpresa nafarra da.
Proiektu finalista Orizont nekazaritza-elikagaigintzako azeleragailuaren III. edizioan.
Wise Nature
Super-elikagaien eta berezko produktu beganoen nahasketak prestatzen dituen enpresa nafarra da.
Proiektu finalista Orizont nekazaritza-elikagaigintzako azeleragailuaren III. edizioan.
Yamy
Saltsak, kremak eta bustigarriak fabrikatzen dituen enpresa nafarra. Bezeroaren beharren neurriko errezetak garatzen ditu, bai saltsa klasikoetan eta pastarako, bai zopa eta krema hotzetan, bai pizzarako topping saltsetan (estaldurarako), bai arrainerako saltsetan itsas ura erabiliz, bai bustigarri gaziak edo gozoak gosarirako, besteak beste.
Zapa and Friends
Hizkuntzak berez ikasteko tresna bat garatu eta merkaturatzen duen enpresa nafarra da. Horretarako, haurrentzat egokitutako eduki multimediak erabiltzen ditu.
Zitromac
Irtenbide zitriko freskoak eta deshidratatuak (laranja, limoia, etab.) garatu eta merkaturatzen dituen enpresa nafarra, ostalaritzarako moztuak eta ontziratuak.
Proiektu finalista Orizont nekazaritza-elikagaigintzako azeleragailuaren III. edizioan.
Beste batzuk
Alai Termoformados
Enpresa nafarra, Plásticos Alai gipuzkoarraren filiala, plastikoen eraldakuntzan diharduena, estrusio eta termoformatu prozesuen bitartez.
Bacaicoa Industrias Plásticas
Nafarroako enpresa familiar honek film plastikoa fabrikatzen du elikadura eta industria arloetarako.
Dynamobel
Bulegoetako altzariak eta aulkiak diseinatu eta fabrikatzen dituen enpresa nafarra da.
Embega
Lan elkarturako kooperatiba bat da. Fabrikatu eta merkaturatzen dituen elementuek funtzionaltasuna eta estetika ematen dizkiete linea zuriko produktuei, eta halaber, gizona – makina interfaze nahiz estankotasun arloko irtenbideak ematen ditu juntura inprimatuen bidez.
Model Metal
Funes-en kokaturiko empresa nafarra, pieza metaliko konplexuen fabrikaziorako altzairua erosi eta transformatzen duena, piezak margotzearekin batera.
Parque de la Naturaleza de Navarra - Sendaviva
Enpresa hau Nafarroako Gobernuko Merkataritza eta Turismorako Zuzendaritza Nagusiaren ekimenez sortua da. Familiendako aisia eta dibertsio parke bat da, naturan kokatua. Arguedasen dago (Nafarroa).
Rodona Industria Gráfica
Arte grafikoetan diharduen enpresa nafarra da. Sistema digitalen bidezko inprimaketan ari da, hala zuri-beltzean nola koloretan.
Salinas de Navarra
Enpresa honek vacuum gatza ekoiztu, eraldatu eta merkaturatzen du askotariko aplikazioetarako; adibidez, elikadurarako, industriarako edota urak tratatzeko.
Sic Lázaro
Hona hemen enpresa honen negozio-ildo nagusiak: igogailuetarako kontrapisuak fabrikatu eta saltzea, hormigoizkoak eta burdinazkoak; kontrapisu handiak eta makineria-txasisak.
Sunsundegui
Nafarroako enpresa fabrikatzailea autobus eta autokarren karrozeria.
