Hazteko ahalmena duten eta jarduketa ezberdinak egin ahal izateko 400.000€ baino gehiagoko inbertsioa behar duten enpresa txiki eta ertainei laguntza finantziero eta estrategikoa:

• Aurrerapausoak haien produktuak merkatura iritsi arte egin behar dituzten garapen faseetan.

• Hazkundea era organiko eta inorganikoan, beste enpresa batzuk erosiz.

• Beste enpresa edo negozioekin integratzeko proiektuak.

• Akzioen erreleboa.

• Tokiko kide bat behar duten atzerriko konpainiak ezartzea.

• Zuzendaritza-taldeek (MBO) edo beste enpresa batek (MBI) enpresa erostea.

Sodenak merkatura zabaltzeko fasean dauden proiektuetan duen parte-hartzearen ezaugarriak honakoak dira:

• % 5 eta % 45 arteko parte-hartzea.

• Gehienez ere 10 urteko egonaldia.

• Administrazio Kontseiluan presentzia izatea.

• Kideen hitzarmenean aurreikusitako desinbertsioa.

• Kapital bihur daitekeen mailegu parte-hartzailea izateko aukera.

Zenbaitetan laguntza hori osatu ahal izango da Sodenak honako baldintzetan ematen dituen mailegu parte-hartzaileekin:

• Osagarri finko batez eta sozietatearen negozioaren adierazleei lotuta dagoen osagarri aldakor batez osatutako interes-tasa.

• Mendeko maileguak.

• Kapitalizagarriak izan daitezke.